Montag, 27. April 2015

"lauter Dosa"




"lauter Dosa"





In der letzschte Zeit hob i wieder
nachts zum arbeite "dürfe"!

I hob dann immer zwischendurch Pause
und weil i jo wach bleibe muss
hob i irgendwann mol des häkeln agfange!

I glaub wenn mi do uiner sehe dät,
der dät denke: "Die spinnt!"

Im Moment entstehen grad "DOSENKLEIDER"

(für alle die it wisset was des isch...des sind umhäkelte leere Dosa für Stifte, Krimskrams, Badsacha...!)

in sämtliche Farbkombinationen, verschiedenen Größen,
mit oder ohne Band...

...aber
IMMER MIT DEM FR.SCHDÖHR LABEL! 



Donnerstag, 16. April 2015

Der Traum vom Weidenhaus

Vor einigen Jahren hob i mol
(mit gaaanz viel Tatendrang!)
a Weidenhäusle baut!

I war am Anfang wirklich frustriert weil des blede Ding uifach it gscheid agwachse isch.









Allat wieder hob i trockene Äscht raus zoge,
wieder neue nei gsteckt
und des den ganze Sommer lang

und irgendwie hot des Weidenhäusle
nie ausgschaut wie a Weidenhäusle!

....aber of uimol isch den Ding explodiert!

Do sind die Äscht i alle Himmelsrichtunga gwachsa...
austriebe hot a jeder Ascht...
i bi mit neiflechta gar numma nochkumme...!
Des Weidenhäusle hot richtig Arbeit gmacht und hot trotzdem irgendwie "sch..." ausgschaut....!
und i war wieder frustriert!


Bis i vor kurzem an Weidenflechtkurs besucht hob...
Do hob i die Kursleiterin mol gfrogt was i mache ka
und die hot dann gsagt:

"Alles abschneida und neu verflechten!"

                                     
Gesagt - getan!
I bi vo dem Kurs huim und hob sofort alles radebutz abgschnitta!
Mein Ma hot glaub scho a bizzle a mir zweifelt....  
er hot mi immer so komisch agschaut!?!
Jedenfalls isch der Haufe mit Äscht immer größer wore und des Weidenhaus immer kluiner!





Dann hob i mol wieder mit flechte agfanga -
was soll i sage...hot voll Spaß gmacht!

Sogar a Fenschter hob i neigmacht!

Jetzt muss des ganze blos wieder gscheid wachsa
und dann schauts au wieder aus
wie a Weidenhaus!
...und i bi endlich numma frustriert!